SSC Exam Calendar 2026 : SSC ભરતીની તૈયારી કરી રહેલા ઉમેદવારો માટે એક મહત્વની અને કામની ખબર સામે આવી છે. Staff Selection Commission (SSC) એ વર્ષ 2026–27 માટેનું પરીક્ષા કેલેન્ડર જાહેર કર્યું છે. આ કેલેન્ડર મુજબ વર્ષ 2026 દરમિયાન કુલ 12 મોટી ભરતી પરીક્ષાઓ માટે નોટિફિકેશન બહાર પાડવામાં આવશે. ખાસ વાત એ છે કે મોટાભાગની પરીક્ષાઓ મે 2026થી શરૂ થવાની સંભાવના છે, એટલે ઉમેદવારો પાસે તૈયારી માટે પૂરતો સમય રહેશે.
SSC Exam Calendar 2026
SSC દ્વારા જાહેર કરાયેલું આ કામચલાઉ સમયપત્રક CGL, CHSL, GD, MTS, JE સહિતની પરીક્ષાઓની તૈયારી કરનાર ઉમેદવારો માટે ખૂબ ઉપયોગી છે. હવે ઉમેદવારોને અંદાજ લગાવવો નહીં પડે, કારણ કે કઈ પરીક્ષાનું નોટિફિકેશન ક્યારે આવશે અને પરીક્ષા કયા મહિને યોજાશે તેની સ્પષ્ટ માહિતી આપવામાં આવી છે. આ કેલેન્ડરના આધારે ઉમેદવારો પોતાની સંપૂર્ણ અભ્યાસ યોજના સરળતાથી બનાવી શકે છે.
SSC કેલેન્ડર મુજબ માર્ચ 2026માં JSA/LDC, SSA/UDC અને ASO જેવી વિભાગીય પરીક્ષાઓ માટે નોટિફિકેશન બહાર પડશે અને તેની પરીક્ષાઓ મે 2026માં યોજાશે. એ જ રીતે SSC CGL 2026 અને જુનિયર એન્જિનિયર (JE) પરીક્ષાનું નોટિફિકેશન માર્ચ 2026માં આવવાની શક્યતા છે અને તેની પરીક્ષાઓ મેથી જૂન 2026 દરમિયાન લેવામાં આવશે.
એપ્રિલ 2026માં પસંદગી પોસ્ટ ફેઝ-XIV, CHSL, સ્ટેનોગ્રાફર ગ્રેડ C અને D તથા સંયુક્ત હિન્દી અનુવાદક પરીક્ષાઓ માટે સૂચનાઓ બહાર પાડવામાં આવશે. આમાંથી કેટલીક પરીક્ષાઓ મે 2026માં શરૂ થશે, જ્યારે કેટલીક પરીક્ષાઓ ઓગસ્ટથી સપ્ટેમ્બર 2026 દરમિયાન યોજાશે. MTS અને હવાલદાર ભરતી માટેનું નોટિફિકેશન જૂન 2026માં આવશે અને તેની પરીક્ષાઓ સપ્ટેમ્બરથી નવેમ્બર 2026 વચ્ચે યોજાશે.
તે ઉપરાંત દિલ્હી પોલીસ સબ ઇન્સ્પેક્ટર અને CAPF CPO પરીક્ષા માટેનું નોટિફિકેશન મે 2026માં આવવાની શક્યતા છે અને તેની પરીક્ષા ઓક્ટોબર–નવેમ્બર 2026માં યોજાશે. જ્યારે કોન્સ્ટેબલ (GD) CAPF ભરતી માટેનું નોટિફિકેશન સપ્ટેમ્બર 2026માં બહાર પડશે અને તેની પરીક્ષાઓ જાન્યુઆરીથી માર્ચ 2027 દરમિયાન લેવામાં આવશે.
કુલ મળીને જોવામાં આવે તો SSCનું આ પરીક્ષા કેલેન્ડર 10મું પાસ, 12મું પાસ અને સ્નાતક ઉમેદવારો માટે એક ઉત્તમ તક છે. જે ઉમેદવારો સરકારી નોકરીની તૈયારી કરી રહ્યા છે તેમના માટે આ કેલેન્ડર માર્ગદર્શિકા સમાન છે. ઉમેદવારો SSCની સત્તાવાર વેબસાઇટ ssc.gov.in પરથી પણ આ કેલેન્ડર ઓનલાઇન જોઈ શકે છે અને તેની મદદથી પોતાની તૈયારીને યોગ્ય દિશામાં આગળ વધારી શકે છે
મહત્વ ની કડીઓ :
| સત્તાવાર વેબસાઈટ માટે | SSC |
| હોમ પેજ માટે | સાચીમાહિતી.com |